Суди иқтисодии вилояти Хатлон санаи 27 январи соли 2026 дар якҷоягӣ бо Суди вилояти Хатлон ва Суди гарнизони ҳарбии вилояти Хатлон бо намояндагони воситаҳои ахбори омма вобаста ба ҷамъбасти фаъолияти корӣ дар соли 2025 нишасти матбуотӣ баргузор намуданд. Зимни баргузории нишасти матбуотӣ иҷрокунандаи вазифаи Раиси Суди иқтисодии вилояти Хатлон муҳтарам Қурбониён Б.С. оид ба фаъолияти кории Суди иқтисодии вилояти Хатлон дар соли 2025 ба намояндагони воситаҳои ахбори омма маълумоти мухтасар пешниҳод намуда, ба саволҳои онҳо ҷавобҳои мушаххас доданд.
